Opið umsagnarferli stendur nú yfir um niðurstöður HSS sjálfbærnimats, sem framkvæmt hefur verið á undirbúningsstigi Hvalárvirkjunar. Niðurstöður matsskýrslunnar eru aðgengilegar öllum á vefsíðu framkvæmdaaðilans, VesturVerks, undir flipanum „Hvalárvirkjun“ og stendur umsagnartíminn yfir til 17. október næstkomandi.
Haustið 2024 framkvæmdu matsmenn á vegum HSA samtakanna um sjálfbæra vatnsorku (Hydropower Sustainability Alliance) úttekt á undirbúningsstigi Hvalárvirkjunar. Matið er gert í samræmi við alþjóðlega HSS staðalinn (Hydropower Sustainability Standard) og fól í sér umfangsmikla gagnaöflun, viðtöl við ólíka hagaðila og vettvangsferð á fyrirhugað virkjunarsvæði.
Hagaðilar og almenningur geta kynnt sér niðurstöður matsins og sent inn athugasemdir en matsskýrslan, bæði á íslensku og ensku, er aðgengileg á vefsíðu VesturVerks.
Í kjölfar umsagnarferlis fara matsmenn yfir innsendar athugasemdir og gefa út lokaútgáfu matsskýrslunnar.
Hér má nálgast hlekki í upplýsingasíðurnar þar sem einnig er að finna hlekk í umsagnakerfi HSA samtakanna.
Íslenska: HSS sjálfbærnimat
Enska: Hydropower Sustainability Standard Assessment
Tekið skal fram að ef misræmi er á milli íslensku og ensku útgáfu matsskýrslunnar þá gildir enski textinn þar sem hann er frumtexti skýrslunnar.
Skildu eftir svar